Lasag

Chan e cus dhen t-saoghal a chunnaic Robyn. Gun phlanaichean eile airson nan saor-làithean, thèid i gu tuath. Ach bidh i am measg shrainnsearan ann am bothan iomallach.

Chan eil Calum riaraichte le a dhreuchd aig companaidh mhòr, shanntach. Air turas a Namibia tha e ag ionnsachadh mun chròn a tha iad a’ dèanamh air na dùthchasaich, is feumaidh e co-dhùnadh a dhèanamh.

Tha tubaist aig an sgoil a’ toirt air Sarah cuimhneachadh air rud uabhasach a leig i air dìochuimhne. Le a beatha air tuiteam às a chèile, chan eil fhios aice an urrainn dhi earbsa a chur na cuimhne fhèin.

Tha saoghal Anna a’ tuiteam às a cèile is a h-athair a’ dol às a rian. Mar chloich às an adhar, tha caraid mac-meanmach às a h-òige a’ cèilidh oirre a-rithist, ach chan e caraid a th’ ann tuilleadh.

Tha Màiri NicEchairne ag ràdh gun robh i eòlach air Lee Harvey Oswald agus gun do theich i fhèin às na Stàitean, ach chan eil neach-naidheachd Ruairidh MacIlleathain cinnteach mun sgeul aice.

An tè mu dheireadh às an t-saoghal aice, tha an Taistealach a’ lorg planaid fhreagarrach eile. Ach tha cunnart a’ feitheamh orra air a dachaigh ùr.

Tha Eilidh a’ dol air ais ann an tìm gu baile a chaidh a bhàthadh o chionn bhliadhnaichean. Air chall san àm a dh’fhalbh, feumaidh i slighe air ais dhan latha an-diugh a lorg.

Tha Anna sgìth de na bainnsean aig a caraidean, agus de na prèasantan daora. Nuair a tha i a’ coinneachadh ri fear a tha den aon bheachd, tha iad a’ cur plana romhpa.